: صراط ٹائمز / ایک روایت کے مطابق خواجہ اباصلت بیان کرتے ہیںکہ
:میں شعبان کے آخری جمعہ کو حضرت امام علی بن موسیٰ الرضا علیہ السلام کی خدمت میں حاضر ہوا۔ آپ نے فرمایا
اے اباصلت! زیادہ تر شعبان گزر چکا ہے، اور آج اس کا آخری جمعہ ہے۔ پس جو دن باقی ہیں، ان میں اپنی گزشتہ کوتاہیوں کی تلافی کرو اور ان چیزوں کی طرف متوجہ ہو جو تمہارے لیے فائدہ مند ہیں۔
:یہ کہتے ہوئے امام علیہ السلام نے آٹھ نصیحتیں فرمائیں
۔. زیادہ دعا کرو۔
۔. زیادہ استغفار کرو۔
۔. زیادہ قرآن کی تلاوت کرو۔
۔. اپنے گناہوں سے اللہ کی بارگاہ میں توبہ کرو تاکہ تم خالص ہو کر رمضان المبارک میں داخل ہو سکو۔
۔. جو امانت تمہارے ذمہ ہو، اسے ادا کرو۔
۔ اگر تمہارے دل میں کسی مومن کے لیے کینہ ہے تو اسے نکال دو۔
۔ جس گناہ میں مبتلا ہو، اسے ترک کر دو اور اللہ سے ڈرو۔ ظاہری و باطنی طور پر اللہ پر بھروسا رکھو، کیونکہ جو اللہ پر توکل کرے، وہی اس کے لیے کافی ہے۔
. باقی دنوں میں اس دعا کو کثرت سے پڑھو –
اللَّهُمَّ إِنْ لَمْ تَکُنْ غَفَرْتَ لَنَا فِیمَا مَضَی مِنْ شَعْبَانَ، فَاغْفِرْ لَنَا فِیمَا بَقِیَ مِنْهُ
“اے اللہ! اگر تو نے ہمیں شعبان کے گزرے ہوئے دنوں میں نہیں بخشا، تو ہمیں اس کے باقی دنوں میں بخش دے۔”