صراط ٹائمز / مرجع تقلید آیت اللہ ناصر مکارم شیرازی نے کہا ہے کہ یوم القدس کے اجتماعات میں شرکت صرف ایک سیاسی عمل نہیں بلکہ ایک شرعی فریضہ ہے، جو ہر مسلمان پر واجب ہے۔
انہوں نے کہا کہ فلسطین کی آزادی ایک الہی وعدہ ہے اور یوم القدس کے مظاہرے اس جدوجہد کا ایک لازمی حصہ ہیں۔
انہوں نے مسلمانوں پر زور دیا کہ وہ اس دن کو پورے جوش و خروش سے منائیں اور صہیونی حکومت کے خلاف اپنی نفرت کا کھل کر اظہار کریں۔
آیت اللہ مکارم شیرازی نے مزید کہا کہ یوم القدس کی ریلیاں عالمی سطح پر غیر معمولی اثرات مرتب کرتی ہیں اور ان کا انعقاد دشمنانِ اسلام کے خلاف ایک مضبوط پیغام ہے۔ مسلمانوں کو چاہیے کہ وہ اس دن کی مناسبت سے زیادہ سے زیادہ تعداد میں شرکت کریں تاکہ دنیا کو فلسطینی مظلومین کی حمایت کا عملی مظاہرہ دیکھنے کو ملے۔