📌 ٹرمپ کی جانب سے رہبر معظم انقلاب آیت اللہ العظمیٰ سید علی خامنہای کی توہین پر سخت مذمتی بیان
نجف اشرف (خصوصی رپورٹ – صراط ٹائمز)
حوزہ علمیہ نجف اشرف کے جید علمائے کرام نے ایک سخت بیانیہ جاری کرتے ہوئے امریکہ کے سابق صدر ڈونلڈ ٹرمپ کی طرف سے مرجعیت اعلیٰ، رہبر انقلاب اسلامی حضرت آیت اللہ العظمیٰ سید علی خامنہای (دام ظلہ) کے خلاف گستاخانہ اور بے شرمانہ دھمکیوں کی شدید الفاظ میں مذمت کی ہے۔
🔹 علماء کا کہنا ہے کہ رہبر معظم، امت اسلامی کی عزت، غیرت اور مزاحمت کا روشن نشان ہیں اور ان کے خلاف کسی بھی قسم کی دھمکی نہ صرف سیاسی دیوانگی بلکہ اخلاقی گراوٹ کی واضح علامت ہے جو واشنگٹن کے اصل چہرے کو بے نقاب کرتی ہے۔
🔹 بیان میں کہا گیا ہے کہ:
> “امریکہ نے بار دیگر یہ ثابت کر دیا ہے کہ وہ نہ صرف انسانی اصولوں اور اقوام کی حرمت کا پابند نہیں، بلکہ مقدساتِ امتِ اسلامی کی توہین میں بھی پیش پیش ہے۔”
🔹 علمائے نجف نے واضح کیا کہ مرجعیت صرف ایک سیاسی منصب نہیں بلکہ پوری امتِ مسلمہ کے لیے وحدت، رہنمائی اور بیداری کی علامت ہے — چاہے وہ ایران ہو یا عراق، لبنان ہو یا یمن، بحرین ہو یا پاکستان، یا دنیا کا کوئی اور اسلامی خطہ۔
🔹 بیانیے میں سخت تنبیہ کرتے ہوئے کہا گیا:
> “مرجعیتِ اعلیٰ پر حملہ، پوری امتِ مسلمہ کے خلاف اعلانِ جنگ ہے۔ یہ وہ آگ ہے جس کا دائرہ صرف ایک خطے تک محدود نہیں رہے گا اور جسے بجھانا ممکن نہیں ہوگا۔”
🔹 علمائے نجف نے دوٹوک اعلان کیا:
> “ہم اپنے خون کا آخری قطرہ تک دے کر مرجعیت کا دفاع کریں گے۔ ہم اپنے رہبر اور پیشوا کے ساتھ کھڑے ہیں اور کسی بھی قربانی سے دریغ نہیں کریں گے۔”
🔹 بیان کے آخر میں مسلم ممالک، علمائے اسلام، مذہبی اداروں، انسانی حقوق کی تنظیموں اور دنیا بھر کے آزاد انسانوں سے مطالبہ کیا گیا کہ وہ امریکہ کی اس کھلی دھمکی پر خاموشی اختیار نہ کریں اور متحد ہو کر امریکی سامراج اور صہیونی جارحیت کے مقابل کھڑے ہوں۔
🔹 علمائے نجف نے دعا کی:
> “خداوند متعال، آیت اللہ العظمیٰ خامنہای (دام ظلہ) کو امت مسلمہ کے لیے محفوظ رکھے اور دین و انسانیت کے دشمنوں کو دنیا و آخرت میں رسوا و نابود فرمائے۔”