رہبر انقلاب اسلامی غدیر کو صرف ایک تاریخی واقعہ نہیں، بلکہ امت کے لیے مسلسل امتحان اور ہدایت کا نشان قرار دیتے ہیں۔ ان کے مطابق:
“غدیر، صرف ایک دن نہیں بلکہ ایک دائمی معیار ہے — حق و باطل کو پہچاننے کا دائمی معیار۔”
وہ فرماتے ہیں کہ:
“غدیر کا دن، امت کے لیے سب سے حساس امتحان تھا اور ہے۔ اس دن یہ طے پایا کہ دینِ اسلام کا نظام، فردی و سماجی دونوں سطح پر، صرف اسی وقت محفوظ رہ سکتا ہے جب ولایت و امامت کا سلسلہ جاری رہے۔”
غدیر، نظامِ اسلامی کی بنیاد
آیتاللہ خامنہای کے نزدیک، غدیر کا پیغام سیاسی اور روحانی دونوں حیثیتوں کا حامل ہے۔ وہ کہتے ہیں:
“اگر پیغمبرؐ اسلام کا غدیر میں اعلان نہ ہوتا تو دین، صرف ایک پیغام ہوتا؛ لیکن ولایتِ علیؑ نے اسے ایک عملی نظام میں بدل دیا۔”
اسی لیے وہ ولایت فقیہ کو بھی اسی غدیری تسلسل کا ایک معقول اور شرعی استمرار قرار دیتے ہیں:
“آج اسلامی نظام میں جو کچھ بھی ہے، وہ اسی غدیر کے تسلسل اور ولایت کے احیاء کا نتیجہ ہے۔”
بصیرت کا میدان
رہبر انقلاب کے مطابق:
“جو غدیر کو سمجھ لے، وہ دنیا کی کسی بھی گمراہی کے دھوکے میں نہیں آ سکتا۔”
اسی لیے وہ تاکید کرتے ہیں کہ:
“عید غدیر پر ہمیں صرف جشن منانے تک محدود نہیں رہنا چاہیے، بلکہ ہمیں غدیر کو ایک فکری و انقلابی تحریک کی بنیاد کے طور پر اپنانا ہوگا۔”