رہبر معظم انقلاب اسلامی حضرت آیت اللہ خامنہ ای نے آج صبح حج کے ایرانی منتظمین سے ملاقات کے دوران حج کی سیاسی ماہیت پر روشنی ڈالی۔
:انہوں نے فرمایا
“حج ایک ایسی عبادت ہے جو — شاید کہا جا سکتا ہے — کہ واحد ایسی عبادت ہے جس کی ظاہری شکل و صورت اور ساخت مکمل طور پر سیاسی ہے۔”
آیت اللہ خامنہ ای نے کہا کہ ہر سال استطاعت رکھنے والے افراد کا ایک مقررہ وقت اور مقام پر جمع ہونا، بذاتِ خود ایک عظیم سیاسی اجتماع کی شکل اختیار کر لیتا ہے۔
:انہوں نے مزید فرمایا
“لوگوں کو ایک ہی جگہ، ایک ہی وقت میں، ہر سال، ان تمام افراد کو جو اس کی استطاعت رکھتے ہوں، اکٹھا کرنا — یہ کیا ہے؟ لوگوں کا اجتماع، ان کا ایک جگہ جمع ہونا — خود یہی عمل ایک سیاسی حقیقت رکھتا ہے۔”
رہبر معظم نے ان رویوں پر بھی تنقید کی جو حج کو اس کی اصل روح یعنی سیاسی اور اجتماعی شعور سے خالی کرنا چاہتے ہیں:
“حج، برخلاف بعض افراد کی کوششوں، باتوں اور رویوں کے جو اس مفہوم کو چیلنج کرتے ہیں، اپنی ماہیت میں سیاسی ہے، اس کی شکل سیاسی ہے، اس کی ساخت سیاسی ہے۔”
یہ بیانات ایک بار پھر اس حقیقت کی یاد دہانی کرواتے ہیں کہ حج نہ صرف ایک روحانی عبادت ہے بلکہ امت مسلمہ کے اتحاد، بیداری اور سیاسی شعور کا عملی مظہر بھی ہے۔