رہبر معظم انقلاب اسلامی، آیت اللہ العظمیٰ سید علی خامنہ ای نے حالیہ ملاقات میں نوجوانوں کو اہم اخلاقی نصیحتیں کرتے ہوئے کہا کہ:۔
“آج کے نوجوانوں پر ملک و ملت کے مستقبل کی بھاری ذمہ داری عائد ہے۔ جوانوں کو چاہیے کہ وہ اخلاص، علم، صبر اور بصیرت کے ساتھ اپنی ذاتی اور سماجی زندگی کو سنواریں۔”
رہبر معظم نے زور دیا کہ:
ایمان اور معنویت کو اپنی زندگی کا محور بنائیں۔ مادی زندگی کی چمک دمک کے فریب میں نہ آئیں۔ خودسازی اور اپنے اخلاق کو بہتر بنانے میں جوانی کا وقت غنیمت سمجھیں۔
انہوں نے نوجوانوں کو علم حاصل کرنے، تحقیق کرنے، اور دنیا کے علمی میدانوں میں پیش قدمی کی ترغیب دی اور فرمایا:
علم اور معرفت کے بغیر کوئی قوم ترقی نہیں کرسکتی۔ آج کا جوان جتنا علم سے آراستہ ہوگا، ملک اتنا ہی طاقتور ہوگا۔
رہبر معظم نے نوجوانوں کو صبر و استقامت کی تلقین کرتے ہوئے کہا:
مشکلات زندگی کا حصہ ہیں۔ کامیابی ان جوانوں کا مقدر بنتی ہے جو صبر کے ساتھ محنت جاری رکھتے ہیں۔
مزید برآں، آپ نے دشمن کی سازشوں کے مقابلے میں ہوشیاری برتنے کی نصیحت کرتے ہوئے فرمایا:
ثقافتی یلغار کے اس دور میں اپنی دینی و قومی شناخت کی حفاظت کرو۔ دشمن تمہاری امید اور خوداعتمادی کو نشانہ بنانا چاہتا ہے۔
آخر میں رہبر معظم نے دعا کی کہ اللہ تعالیٰ تمام نوجوانوں کو ایمان، عمل صالح، علم، اور خدمتِ خلق کی توفیق عطا فرمائے۔